ತುಂಗಾವಾಣಿ.
ಗಂಗಾವತಿ: ಸಹೋದ್ಯೋಗಿ ಸಂಸ್ಥೆಯ ನೆರವು ಕೋರಿ ಬಂದ ಖಾಸಗಿ ಶಾಲೆಯೊಂದರ ಮುಖ್ಯಸ್ಥರ ಮೇಲೆ ‘ಮಾಹಿತಿ ಕಳ್ಳತನ’ದ ಸುಳ್ಳು ಆರೋಪ ಹೊರಿಸಿ, ಅವರ ಆತ್ಮಗೌರವಕ್ಕೆ ಧಕ್ಕೆ ತಂದಿರುವ ರೋಚಕ ಘಟನೆ ನಗರದಲ್ಲಿ ತಡವಾಗಿ ಬೆಳಕಿಗೆ ಬಂದಿದೆ.
ಸರಕಾರದಿಂದ ಸಿಗಬೇಕಾದ ಪಠ್ಯಪುಸ್ತಕಗಳು ಸಕಾಲಕ್ಕೆ ತಲುಪದ ಹಿನ್ನೆಲೆಯಲ್ಲಿ, ತಮ್ಮ ಶಾಲೆಯ ವಿದ್ಯಾರ್ಥಿಗಳ ಹಿತದೃಷ್ಟಿಯಿಂದ ನೆರವು ಯಾಚಿಸಲು ರಾಘವೇಂದ್ರ ಪಬ್ಲಿಕ್ ಸ್ಕೂಲ್ ಮುಖ್ಯಸ್ಥ ಪವನ್ ಕುಮಾರ್ ಅವರು ನಗರದ ಹುಮಾ ಖಾಸಗಿ ಶಾಲೆಗೆ ತೆರಳಿದ್ದರು. ಈ ವೇಳೆ ನಡೆದ ಸಣ್ಣ ಘಟನೆಯೊಂದನ್ನು ಬಂಡವಾಳ ಮಾಡಿಕೊಂಡ ಹುಮಾ ಶಾಲೆಯ ಮುಖ್ಯಸ್ಥೆ ಶಾಹೀನಾ ಕೌಸರ್, ಪವನ್ ಕುಮಾರ್ ಅವರ ತೇಜೋವಧೆಗೆ ಇಳಿದಿದ್ದಾರೆ ಎನ್ನಲಾಗಿದೆ, ಇದಕ್ಕೆ ಸಾರ್ವಜನಿಕ ವಲಯದಲ್ಲಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ.
ನಡೆದಿದ್ದೇನು?
ಸಹಾಯದ ಭರವಸೆ ನೀಡಿ ಕರೆಸಿಕೊಂಡಿದ್ದ ಹುಮಾ ಶಾಲೆಯ ಮುಖ್ಯಸ್ಥೆ ಶಾಹೀನಾ ಕೌಸರ್, ತರಗತಿಗೆ ತೆರಳಿದ್ದಾಗ ಆಡಳಿತಾಧಿಕಾರಿ ಕಚೇರಿಯಲ್ಲಿ ಕಾಯುತ್ತಿದ್ದ ಪವನ್ ಕುಮಾರ್ ಅವರ ಕಣ್ಣಿಗೆ ಮೇಜಿನ ಮೇಲಿದ್ದ ರ್ಯಾಪರ್ (ಪುಸ್ತಕದ ರಕ್ಷಣಾ ಕವಚ) ಡಿಸೈನ್ ಬಿದ್ದಿದೆ. "ನಮ್ಮ ಶಾಲೆಯಲ್ಲೂ ಇಂತಹ ವಿನ್ಯಾಸ ಬಳಸಬಹುದು" ಎಂಬ ಕುತೂಹಲದಿಂದ, ಅಲ್ಲೇ ಇದ್ದ ಆ ಶಾಲೆಯ ಸಿಬ್ಬಂದಿ ಸಹ ಇದ್ದರು, ಸಿಸಿಟಿವಿ ಕ್ಯಾಮೆರಾ ಕಣ್ಣೆದುರೇ ಅದರ ಐದಾರು ಫೋಟೋಗಳನ್ನು ಮೊಬೈಲ್ನಲ್ಲಿ ಸೆರೆಹಿಡಿದಿದ್ದರು.
ನಂತರ ಬಂದ ಶಾಹೀನಾ ಕೌಸರ್ ಅವರೊಂದಿಗೆ ಸುಮಾರು ಒಂದು ಗಂಟೆ ಕಾಲ ಸೌಹಾರ್ದಯುತವಾಗಿ ಚರ್ಚಿಸಿ " ಅಯ್ಯೋ ಇದೇನು ಮಹಾ ಗೌಪ್ಯ ವಿಷಯವೇ? ಅಂದು ಕೊಂಡು, ಪೋಟೊ ಕ್ಲಿಕ್ಸಿಕೊಂಡಿದ್ದ ವಿಷಯ ಹೇಳದೆ ನಿರ್ಗಮಿಸಿದ್ದರು. ಆ ಫೋಟೋಗಳಲ್ಲಿ ಯಾವುದೇ ಗೌಪ್ಯ ಮಾಹಿತಿಯೂ ಇರಲಿಲ್ಲ, ಕಳ್ಳತನದ ದುರುದ್ದೇಶವೂ ಇರಲಿಲ್ಲ.
ಸಹಾಯದ ನೆಪದಲ್ಲಿ ತೇಜೋವಧೆ!
ಆದರೆ, ಕಚೇರಿಯ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದ ಹುಮಾ ಶಾಲೆಯ ಮುಖ್ಯಸ್ಥೆ ಶಾಹೀನಾ ಕೌಸರ್, ವಿಷಯವನ್ನು ಗಂಭೀರವಾಗಿ ಪರಿಗಣಿಸುವ ನೆಪದಲ್ಲಿ ಪತ್ರಿಕೆಗಳಿಗೆ ಜಾಗರೂಕರಾಗಿ ಮಸಾಲೆ ಸುದ್ದಿ ಸರಬರಾಜು ಮಾಡಿದ್ದಾರೆ. ಅಷ್ಟಕ್ಕೇ ನಿಲ್ಲದೆ ತಮ್ಮ ವೈಯಕ್ತಿಕ ಸಾಮಾಜಿಕ ಜಾಲತಾಣಗಳಲ್ಲಿ ರಾಘವೇಂದ್ರ ಪಬ್ಲಿಕ್ ಸ್ಕೂಲ್ ಮುಖ್ಯಸ್ಥ ಪವನ್ ಕುಮಾರ್ ವಿರುದ್ಧ ಅಪಪ್ರಚಾರ ಆರಂಭಿಸಿದ್ದರು.
ವಿಷಯ ವಿಕೋಪಕ್ಕೆ ಹೋಗುವುದು ಬೇಡ ಎಂಬ ಉದ್ದೇಶದಿಂದ ಹಾಗೂ ಶಿಕ್ಷಣ ಕ್ಷೇತ್ರದ ಗೌರವಕ್ಕೆ ಧಕ್ಕೆಯಾಗಬಾರದೆಂದು ಪವನ್ ಕುಮಾರ್ ಅವರು, ನೇರವಾಗಿ ಶಾಹೀನ್ ಕೌಸರ್ ಅವರ ಶಾಲೆಗೆ ಬಂದು, ತಮಗಾದ ಅಜಾಗರೂಕತೆಗೆ ಕ್ಷಮೆ ಯಾಚಿಸಿದ್ದರು. ಆದರೆ, ಈ ಕ್ಷಮಾಪಣೆ ವೀಡಿಯೋ ಮತ್ತು ಪತ್ರವನ್ನೂ ಸಹ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡು ಪ್ರಚಾರ ಗಿಟ್ಟಿಸಿಕೊಳ್ಳುವ ಕೃತ್ಯಕ್ಕೆ ಶಾಹೀನಾ ಕೌಸರ್ ಮುಂದಾಗಿದ್ದಾರೆ ಎನ್ನಲಾಗಿದೆ.!
‘ಮಕ್ಕಳ ಭವಿಷ್ಯಕ್ಕಾಗಿ ನೆರವು ಕೇಳಲು ಹೋದರೆ, ಹುಮಾ ಶಾಲೆಯ ಆಡಳಿತ ಮಂಡಳಿ ಈ ಹಂತದ ತೇಜೋವಧೆ ಮಾಡುತ್ತದೆ ಎಂದು ಊಹಿಸಿರಲಿಲ್ಲ. ಫೋಟೋ ತೆಗೆದಿದ್ದು ನಿಜ, ಆದರೆ ಅದರಲ್ಲಿ ಯಾವುದೇ ಗೌಪ್ಯ ಮಾಹಿತಿ ಇರಲಿಲ್ಲ. ಕ್ಷಮೆ ಕೇಳಿದ ಮೇಲೆಯೂ ಸಾಮಾಜಿಕ ಜಾಲತಾಣಗಳಲ್ಲಿ ವೀಡಿಯೋ ಹಾಕಿ ಪ್ರಚಾರ ಪಡೆಯುತ್ತಿರುವುದು ಅಕ್ಷಮ್ಯ.’
– ಪವನ್ ಕುಮಾರ್, ಮುಖ್ಯಸ್ಥರು, ರಾಘವೇಂದ್ರ ಪಬ್ಲಿಕ್ ಸ್ಕೂಲ್
ಸಾರ್ವಜನಿಕ ವಲಯದಲ್ಲಿ ಆಕ್ರೋಶ!
ಶಿಕ್ಷಣ ಸಂಸ್ಥೆಯನ್ನು ನಡೆಸುವ ಶಾಹೀನಾ ಕೌಸರ್ ಅವರೇ ಒಬ್ಬ ಸಹೋದ್ಯೋಗಿಯ ಸಣ್ಣ ಅಜಾಗರೂಕತೆಯನ್ನು ಬಂಡವಾಳ ಮಾಡಿಕೊಂಡು, ಸಾಮಾಜಿಕ ಜಾಲತಾಣಗಳಲ್ಲಿ 'ಲೈಕ್ಸ್' ಮತ್ತು 'ಶೇರ್'ಗಳಿಗಾಗಿ ವ್ಯಕ್ತಿತ್ವ ಹರಣಕ್ಕೆ ಇಳಿದಿರುವುದು ಶಿಕ್ಷಣ ಪ್ರೇಮಿಗಳ ಕೆಂಗಣ್ಣಿಗೆ ಗುರಿಯಾಗಿದೆ. ಸದ್ಯ ಈ ವಿಚಾರ ಗಂಗಾವತಿಯಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದೆ.
ನೈಜ ಸುದ್ದಿಗಾಗಿ ತುಂಗಾವಾಣಿ ಓದಿರಿ.